Ƙaho
Gabatarwa
Ƙaho, abin busa ne da ake busa shi da baki. An fara busa ƙaho a Kano zamanin Sarkin Kano Muhammadu Rumfa.
Ƙaho
Mafarauta da ‘yan tauri su ake busawa ƙaho da nufin zaburantar da su domin samun ƙarin ƙarfin zuciya a lokacin gudanar da farauta a daji ko kuma a lokutan bukukuwan da suka shafe su.
Ƙaho, bakin busa
Haka nan ana amfani da ƙaho wajen sanar da mafarauta shirin tafiya daji domin farauta ko kuma su fito daga gida domin gudanar da ayyukan gayya.
Ƙaho, zizito (ƙofar da aka ƙayata da noti)
Ƙaho kala biyu ne: Ƙyaro da kuma Randa. Abin da ke bambanta su kawai shi ne faɗin babban baki; bakin Randa ya fi na ƙyaro faɗi.
Ana samun ƙaho daga dabbobin da suka haɗa da shanu, manyan raguna, ɓauna da sauran su.
Ƙaho, ƙaramin baki
Ana yin ƙaho ne ta hanyar fafe tsininsa a yi masa ƙaramar ƙofa, sannan kuma daga samansa a yi masa wata ƙofar da ake saka baki a cikinta ana busawa. Sai kuma wata ƙaramar ƙofa da ake yi daf da babban bakin ƙaho wadda ake ce da ita zizito, ita ce ke fitar da sauti.
Ƙaho, babban baki
Ana busa ƙaho ta hanyar riƙe shi da hannaye biyu sannan a ɗora bakin busa a cikin baki, sai kuma babban ɗan yatsa da ake rufe ƙaramin bakin ƙaho da shi. Shi kuma babban bakin ƙaho ana rufe shi da tafin hannu kamar yadda Omo mai busa ƙaho ya shaida mana a cikin tattaunawar da muka yi da shi a ranar 7/6/2019 a gidansa da ke Jalingon Jahar Taraba.
Omo yana busa ƙaho
Kalli Yadda Ake Busa Ƙaho
Manazarta:
Dokaji A. A. (1958). Kano ta Dabo Cigari. Published by The Northern Nigerian Publishing Company, Zaria. Printed at Oyeleke Jet-age Printers Limited, Kaduna.
Gusau S. M. (2017). Kayan Kiɗan Hausa. Centuary Research and Publications, Kano – Nigeria.
Northern Nigerian Publishing Company. (1970). Hausawa da Maƙwabtansu, Littafi na Biyu. Northern Nigerian Publishing Company, Zariya – Najeriya.
Tattaunawa da Omo Mai Ƙaho, a ranar 7/6/2019 a gidansa da ke garin Jalingo, Jahar Taraba a Najeriya.
Takarda/Muƙala
- Gudunmmawar Harshe...
- Matsayin Sana'o'i...
- Tasirin Mawaƙan Baka...
- Jiya da Yau...
- Gudunmawar Shafuka..
- Bitar Ma'anar Kalmar 'Hausa' ...
- 'Fathers' and 'Mothers' in Hausa...
- Friendship Requires Visits...
- Indigenous Languages...
- Dialectal Variation...
- Ƙasar Zamfara a Bakin Makaɗan Baka
Tatsuniyoyi
- Gizo da Noman Gyaɗa
- Gizo da Saniya
- Gizo da Ƙoƙi da Kantu
- Gizo da Ɗanrago...
- Gizo Ɓarawon Gyaɗa
- Gizo da Ɓaure
- Biri da Kura
- Kura da Kare
- Auren Barewa...
- Kuturu, Makaho...
- Alhaji da Hajiya
- Wasu Mutane Huɗu
- Baban Rogaji
- Yarinya da Ƙawayenta
- Mutum da Zabi
- Ƙuda da Kwaɗo
- Ɓarayin Rake
- Maraya
- Ɓarawon Gwal
- Tsiniyama da Lafiyana
- Yusufu da Bala
Bukukuwa
Wasanni
Karin Magana
Wakokin Makaɗa
- Waƙoƙin Makaɗa
- Makaɗan Fada
- Makaɗan Sarauta
- Makaɗan Jama’a
- Makaɗan Maza
- Makaɗan Mata
- Makaɗan Ban-Dariya
- Makaɗan Sana’a
Kayan Kiɗan Hausa
Tura wannan shafi zuwa ga abokai ta:
TweetLatsa madannin "Like" ka nuna goyon baya ko kuma "Share" ka yaɗa shafin