Sadarwa: Amfani da Kai
Gabatarwa
Idan muka ɗauki kai ɗungurungum daga wuya zuwa abin da ya yi sama, za mu taras cewa, ya haɗiye sassan da suka haɗa da fuska, ido, hanci, baki da kuma kunnuwa.
Gundarin Kai
Bahaushe yana amfani da gundarin kansa ɗungurumgum wajen:
- Amincewa: Bahaushe yana nuna amincewa da abu ta hanyar gyaɗa kai. Shi kuwa gyaɗa kai shi ne a ɗaga kai sama sannan a dawo da shi ƙasa cikin ruwan sanyi sannan a ɗan girgiza shi (ya yi sama ya dawo ƙasa kamar sau biyu). Yin wannan daidai yake da faɗin “To” ko kuma “E” da baki.
- Ƙin Amincewa: Bahaushe yana nuna rashin amincewa da abu ta hanyar kaɗa kaɗai. Shi kuwa kaɗa kai ana yin sa ne ta hanyar juya kai daga dama zuwa hagu ko kuma daga hagu zuwa dama, duk ta gefen da aka fara daidai ne. Yin haka daidai yake da faɗin “A’a” ko kuma “Ban yarda ba”.
- Tsawatarwa: Bahaushe yana tsawatarwa ta hanyar kaɗa kai da sauri-da-sauri fiye dana ƙin amincewa sanan kuma a halin fuska tana murtuke. Yin wannan, daidai yake da faɗin “Kai” ko “Kul” ko “Bari” da sauransu.
Manazarta:
Bunza A.M. (2002). Rubutun Hausa Yadda Yake Da Yadda Ake Yin Sa Don Masu Koyo Da Koyarwa. Ibrash Islamic Publications Centre L.T.D., 31 Adalabu Street, Surulere, Lagos.
Zarruƙ R.M., Kafin Hausa A.A. da Alhassan B.S.Y. (2011). Sabuwar Hanyar Nazarin Hausa Don Ƙananan Makarantun Sakandire Littafi na Ɗaya. University Press PLC, Ibadan, Najeriya.
Sadarwa
Hanyoyin Sadarwa
- Hanyar amfani da alamomi
- Hanyar amfani da gaɓɓai
- Hanyar amfani da sauti
- Kayan Kiɗa
- Saƙon kar-ta-kwana
Tatsuniyoyi
- Gizo da Noman Gyaɗa
- Gizo da Saniya
- Gizo da Ƙoƙi da Kantu
- Gizo da Ɗanrago...
- Gizo Ɓarawon Gyaɗa
- Gizo da Ɓaure
- Biri da Kura
- Kura da Kare
- Auren Barewa...
- Kuturu, Makaho...
- Alhaji da Hajiya
- Wasu Mutane Huɗu
- Baban Rogaji
- Yarinya da Ƙawayenta
- Mutum da Zabi
- Ƙuda da Kwaɗo
- Ɓarayin Rake
- Maraya
- Ɓarawon Gwal
- Tsiniyama da Lafiyana
- Yusufu da Bala
Wasanni
Karin Magana
Wakokin Makaɗa
- Waƙoƙin Makaɗa
- Makaɗan Fada
- Makaɗan Sarauta
- Makaɗan Jama’a
- Makaɗan Maza
- Makaɗan Mata
- Makaɗan Ban-Dariya
- Makaɗan Sana’a
Tura wannan shafi zuwa ga abokai ta:
TweetLatsa madannin "Like" ka nuna goyon baya ko kuma "Share" ka yaɗa shafin